AF233a: 32r

devām‑i ʿömr ve sürūr ve s̱ebāt ve qadr ve ḥubūr evqāt‑i hümāyūn tecdīd u temhīd // qılınduqdan ṣoñra ʿarż‑i bende‑i bī‑miqdār ve ẕerre‑i ḥākisār [!] oldur‑ki Avlonya // sancaġında Belġrad nāḥīyesi mütemekk[in] olan Maḥmūd nām sipāhī fevt // olup ve rāfiʿān-i ruqʿa‑i rıqqīyet Yūsuf ve Ḥasan bendeleri mütevefā‑yi // meẕbūruñ ṣaḥīḥ ṣulb oġulları olub ve ellerinde berāt‑i şerīf // babaları berātı ıduġına ve muqaddem berāt‑i ṣayiʿ[?] olduġına sābıqā Avlonya // beg olan Mesīḥ Beg ḥaṣretlerinden [!] eline [?] ʿarż olup bu bendeleri // cānibinden daḫı tecdīd olmasına ṭālib ve rāġıb olmaġın himmet ve ʿināyet // olmaq ricāsına ve rıqqat‑i bendegī birle ḥāk‑i [!] pāy‑i merām‑baḥşa [!] ʿarż olundı // bāqī emr ü fermān sulṭānum ḥaṣretlerinüñ [!] rāy‑i şerīf‑i ʿālem‑ārālarına

dürer‑i teḥīyāt‑i ṣāfiyāt‑i ḥāliṣāt‑i [!] maḥabbet‑füzūn ve ṭaraf‑i teslīmāt‑i vāfīyāt‑i ṣārıfāt‑nümūn ki mahż‑i [!] ṣafā-yi // ṣāfī ve ʿayn‑i vefāyi vāfīden cārī ve seylān olur qavāfil‑i taʿẓīm ve revāḥil‑i [!] tekrīm // birle mütḥaf u mühdā olunduqdan ṣoñra ṣamīr‑i [!] münīr‑i qamer‑tenvīre ve ḥaṭīr-i[!]-i ʿaṭīr-i siyer- // tedbīre maḥfī [!] ve pūşīde olmaya ki işbu ḥāmil ve riqqa‑i ḥimāyet‑i duʿā // ve nāqil‑i resāʾil‑i s̱enā olan Ḥüseyin bendeñüz qadīmī qarındaşumuz // ve yoldaşumuz olub üzerine riʿāyet vācib ve lāzım olmaġın